Dr. Om Murti Anil, National Cardiac Centre, Senior Cardiologist
परिचय :
इकोकार्डियोग्राफी -सामान्यता मुटुको अवस्था, वनावट र क्रियाकलाप हेर्नको लागि गरिने Ultrasound (भिडियो एक्सरे) जस्तै एक प्रकारको जाँच हो। यसबाट मुटुको भल्भ(Value) को अवस्था , मुटुको जन्मजात रोग जस्तै मुटुमा प्वाल, मुटुको मांसपेसी तथा मुटुको क्रियाकलापको बारेमा थाहा पाउन सकिन्छ। संक्षिप्तमा इकोकार्डियोग्राफीलाई इको पनि भनिन्छ ।
कसरी गर्ने?
-यो पिडा रहित जाँच हो ।
-जुनसुकै समयमा पनि गर्न सकिन्छ ।
-कम्तिमा ५ देखि १० मिनेटको समय लाग्दछ ।
कसले गर्ने ?
१)मुटुरोगी :
उच्च रक्तचाप
कमजोर मुटुको समस्या (Heart failure)
मुटुमा ब्लकेज (Heart Blockage)
भल्भ (Valve) मा समस्या
चाल/गतिमा समस्या
२)छातीको दुखाई भएमा ।
३) स्वाँस्वाँ भएमा ।
४) जिउ सुनिएमा ।
५) मुटुको चाल बिग्रिएमा ।
६) कुनै शल्यक्रियामा जानु अगाडि मुटुको अवस्था हेर्नु परेमा ।
७) गर्भवति महिलाहरूलाई केहि मुटु रोगको लक्षण भएमा ।
८) बच्चाहरू जन्मिए पछि कुनै जन्मजात मुटुको समस्या छ या छैन हेर्नु परेमा ।
९) मधुमेह, किड्नी तथा उच्च रक्तचापको बिरामीहरुमा मुटु रोगको प्रभाव हेर्न ।
१०)सामान्य व्यक्तिले रेगुलर हेल्थ चेकअप (स्क्रीनिङ) मा ।
कहिले गर्ने ?
-सामान्यतया मुटु रोगीलाई अवस्था हेरेर ३ देखि १२ महिनाको फरकमा गर्न सकिन्छ ।
-स्वास्थ्य व्यक्तिले चिकित्सकको निर्देशन अनुसार १ देखि २ वर्षको अन्तरालमा गर्न सकिन्छ ।
